Wednesday, 21 February 2018

KITETO WAPITISHA BAJETI YA SHILINGI BILIONI 33.432

Mwenyekiti wa Halmashauri ya Wilaya ya Kiteto Mkoani Manyara, Lairumbe Mollel akizungumza wakati wa ufunguzi wa kikao cha Baraza la madiwani waliopitisha mpango wa bajeti ya shilingi bilioni 33.432 kwa mwaka wa fedha wa 2018/2019. 
Mkurugenzi Mtendaji wa Halmashauri ya Wilaya ya Kiteto Mkoani Manyara, Tamim Kambona akisoma mpango wa bajeti ya mwaka wa fedha wa 2018/2019 ambapo madiwani wa Halmashauri hiyo walipitisha kiasi cha shilingi bilioni 33.432. 
Diwani wa kata ya Sunya Wilayani Kiteto Mkoani Manyara, Mussa Brython akizungumza kwenye kikao cha Baraza la madiwani wa Halmashauri hiyo. 
Mkurugenzi Mtendaji wa Halmashauri ya Wilaya ya Kiteto Mkoani Manyara, Tamim Kambona akizungumza kwenye kikao cha Baraza la madiwani wa Halmashauri hiyo, ambapo alisema amepatiwa rasmi barua ya kuthibitishwa kazini baada ya kuteuliwa kushika nafasi hiyo. 
Madiwani wa Halmashauri ya Wilaya ya Kiteto Mkoani Manyara, wakiwa kwenye kikao cha Baraza la madiwani ambapo walipitisha kiasi cha shilingi bilioni 33.432 za mpango wa bajeti ya mwaka wa fedha wa 2018/2019. 

Baraza la Madiwani wa Halmashauri ya Wilaya ya Kiteto Mkoani Manyara, limepitisha mpango wa bajeti ya shilingi bilioni 33.432 kwa mwaka wa fedha wa 2018/2019. 

Mkurugenzi Mtendaji wa Halmashauri ya Wilaya ya Kiteto, Tamim Kambona akizungumza kwenye kikao cha Baraza la madiwani alisema bajeti hiyo imelenga kufanikisha mambo mbalimbali ikiwemo miradi ya maendeleo. 

Kambona alisema wamelenga kuboresha mapato ya ndani kwa kutumia mfumo wa kielektroniki na kukamilisha miradi viporo ili kuweza kutoa huduma iliyokusudiwa. 

Alisema wametenga asilimia 10 ya mapato ya ndani ya halmashauri kwa ajili ya utoaji mikopo ya maendeleo ya vijana asilimia 4, wanawake asilimia 4 na watu wenye ulemavu asilimia 2.

Mwenyekiti wa halmashauri ya wilaya hiyo, Lairumbe Mollel alisema vipaumbele vya bajeti hiyo ni pamoja na kuwezesha uanzishwaji wa viwanda vipya vidogo na vya kati 15, kuongeza utoaji wa elimu bila malipo na kuongeza upatikanaji wa maji. 

Mollel alisema wamelenga kufanya mpango wa matumizi bora ya ardhi kwa vijiji 41 vilivyosalia na kusimamia amani, utulivu, ili kuweka mazingira mazuri kwa wadau wa maendeleo na ufanisi. 

Diwani wa kata ya Sunya Mussa Brython (CCM) alisema kwenye bajeti hiyo kata yake imepangiwa fedha kwenye miradi ya afya elimu na maji. 

Brython alisema mradi wa maji umetengewa shilingi milioni 100 mradi wa zahanati utapatiwa shilingi milioni 400 na bweni la shule ya sekondari Sunya litamaliziwa kupitia mpango wa bajeti hiyo. 

Diwani wa kata ya Makame, Yakobo Niini (Chadema) alisema mpango wa bajeti hiyo umenufaisha uboreshaji wa upande wa sekta ya elimu kupitia shule ya sekondari ya kata hiyo. 

"Kata yangu inatatizo kwa upande wa miundombinu ya barabara kwani ni mibovu mno hakuna mawasiliano kabisa, naomba Tarura waliangalie hili," alisema Niini. 

Diwani wa kata ya Kaloleni, Christopher Parmet (CCM) alisema mara nyingi bajeti inapitishwa na madiwani lakini serikali kuu haifikishi fedha hizo kwa wakati hivyo kukwamisha miradi ya maendeleo. 

"Huku vijijini wananchi wanataka maji, shule na zahanati, ukiwaambia mmejikita kwenye mambo ya ununuzi wa ndege za Bombardier, reli na barabara za juu hawatakuelewa kabisa," alisema Parmet. 

Alisema serikali inapaswa kutambua kuwa bado mwaka mmoja wa kutekeleza ahadi ili mwaka unaofuata uchaguzi ufanyike na hivi sasa wananchi wa vijijini ni wajanja wanataka maendeleo siyo maneno. 

DCC LUSHOTO YASITISHA MPANGO WA UJENZI WA JENGO LA HALMASHAURI YA BUMBULI

Kamati ya Ushauri ya Wilaya ya Lushoto (DCC) imeamua kusitisha mpango wa ujenzi wa jengo la Halmashauri ya Bumbuli lilokuwa lijengwe kwenye eneo jipya la Kwehangala hadi hapo suluhu ya mgogoro baina ya viongozi wa halmashauri hiyo itakapopatikana. 

Mwenyekiti wa Kikao hicho ambaye ni Mkuu wa Wilaya ya Lushoto January Lugangika (Pichani Juu) alisema kuwa maamuzi hayo yamefikiwa baada ya kuwepo sintofahamu kati ya Madiwani wa halmashauri hiyo na viongozi wengine juu ya suala hilo. .

Hivi karibuni kumekuwepo na mvutano mkubwa kati ya viongozi hao juu ya wapi pajengwe majango ya makao makuu ya Halmashauri hiyo. Baadhi ya viongozi wanadai utaratibu wa fedha za manunuzi haukufuatwa katika kufikia maamuzi ya kujenga jengo la Halmashauri katika eneo la Kwehangala na kuacha majengo yaliyokwisha jengwa Bumbuli kwa gharama ya Sh. milioni 700.

Kutokana na mvutano huo, Mkuu huyo wa Wilaya amesema kikao kiliafiki kisitishe zoezi hilo mpaka maelewano yatakapopatikana." Wajumbe wameshauri suala la kuhamisha makao makuu lisitishwe hadi hapo utakapopatikana utangamano,kwani tayari imeonekana kuna mgogoro ambao umeleta utengano kwa viongozi" Alisema Lugangika .

Mbunge wa jimbo hilo, January Makamba alikiri kuwepo kwa mvutano huo ambao alisema hauna tija katika kuwaletea maendeleo wananchi wa Bumbuli.Makamba alisema ni vyema kama viongozi wakazungumzia suala la maendeleo mfano;maji,barabara,umeme,nyumba za watumishi badala ya kila siku kuzungumzia wapi kujengwe jengo la halmashauri. 

Alishauri kuwa wananchi washirikishwe katika suala hilo, ikiwa ni pamoja na kuwapa elimu ya kutosha juu ya hoja ya kuhamisha halmashauri kwa kuwa ndio wenye chombo chao badala ya viongozi kuamua wao pekee.

"Suala hilo nakubaliana na maoni wa kikao cha DCC tulisitishe kwani kwa sasa hatuna shida na majengo ya halmashauri kwa sababu majengo tunayo ambayo hatulipii kodi ya pango. Sasa hivi tuzungumzie maendeleo kwani wananchi mwaka 2020 hawatatudai majengo ya halmashauri bali watatudai maendeleo juu ya huduma muhimu za jamii alisema Makamba.

Hivi karibuni baadhi ya Madiwani wa Halmashauri hiyo walipiga kura ya kupitisha azimio la kujenga jengo hilo la halmashauri huku Madiwani nane wakigoma kupiga kura kwa madai kuwa hawawezi kupiga kura wakati kuna ukiukwaji wa kanuni na utaratibu ktk kitengo cha manunuzi.

Madiwani hao nane ambao waligoma kupiga kura kupitisha azimio hilo mnamo January 18 mwaka huu walimuomba Waziri wa Nchi Ofisi ya Rais Tamisemi kuingilia kati mgogoro na kuzuia walichokiita ukiukwaji wa utaratibu wa manunuzi pamoja na maelekezo mbalimbali ya viongozi juu ya mpango huo.

Pia walimuomba aingilie kati na kuchukua hatua dhidi ya ubadhirifu wa fedha za umma na ukiukwaji wa utaratibu wa uendeshaji wa halmashauri na kudharau kwa makusudi maelekezo yaliyotolewa na viongozi mbalimbali wa serikali kuu.

Mwenyekiti wa Halmashauri hiyo Amir Shehiza alisema kuwa baraza ni chombo chenye maamuzi sahihi hivyo alikitaka Kikao hicho cha DCC kuacha kuingilia Kazi za baraza .

WAMILIKI WA LESENI ZA MADINI WAASWA UONGEZAJI THAMANI YA MADINI

Na Mathias Canal, Mbeya

Wamiliki wa leseni za madini ya dhababu, vito na mengineyo kote nchini wametakiwa kuiga mfano wa Ndg Salim Jesa mmiliki wa kiwanda cha Marmo E. Granite Mines (T) Ltd kinachojishughulisha na kukata, Kusaga na kuuza mawe kwa kufanya mchakato mzima mpaka bidhaa kukamilika hapa hapa nchini.

Kauli hiyo kwa wamiliki wa leseni za madini nchini imetolewa leo 20 Februari 2018 na Naibu Waziri wa Wizara ya Madini Mhe Doto Mashaka Biteko wakati akizungumza na wafanyakazi wa kiwanda hicho wakati akiwa katika ziara ya kikazi Mkoani Mbeya.

Alisema kuwa kiu ya serikali ya awamu ya tano inayoongozwa na Rais wa Jamhuri ya Muungano wa Tanzania Mhe. Dkt John Pombe Magufuli ni kuona rasilimali za nchi zinaongezwa thamani zikiwa ndani ya nchi jambo ambalo linaakisi umakini wa utendaji na ulipaji kodi ya serikali pasina kukwepa ama kutorosha rasilimali madini yakiwa ghafi. 

Aliseama kuwa faida ya kuongeza thamani ya madini nchini ndio muarobaini wa sekta ya madini kuongeza kiwango cha uchangiaji wa pato la Taifa hatimaye kufikia asilimia 10% kama ulivyo mpango wa wizara kuongeza kiwango cha uchangiaji wa pato la Taifa.

“Nchi nyingi ambazo zimejua siri hii kwa kiasi kikubwa zimefanikiwa lakini sisi Tanzania tulichelewa sana, na kama tungeendelea kuchelewa ingefika kipindi ambacho madini yasingekuwepo kamwe na kama Taifa tungeambulia mashimo makubwa na kusalia katika wimbi la umasikini” Alisema Mhe Biteko

Aidha, amemuhikishia mmiliki wa kiwanda hicho kuwa serikali itazungumza na taasisi zinazofanya kazi za ujenzi nchini kuunga mkono juhudi za umahiri wa kiwanda hicho kwa kununua bidhaa zinazozalishwa hususani wakati huu ambao serikali inaendelea na mchakato wake wa kuhamia Mjini Dodoma.

Sambamba na hayo pia uongozi wa kiwanda hicho umempongeza Rais wa Jamhuri ya Muungano wa Tanzania Mhe. Dkt John Pombe Magufuli kwa kuweka sera nzuri hususani kwa wawekezaji wa ndani katika sekta ya madini na juhudi zake za kukuza uchumi wa mwananchi mmoja mmoja na serikali kwa ujumla wake.

Kampuni ya Marmo E. Granite Mines (T) Ltd iliyopo mkoani Mbeya ilianzishwa mradi wa kukata, kusaga na kuuza mawe Januari 2004 baada ya kukidhi masharti ya usajili wa makampuni.
Naibu Waziri wa Wizara ya Madini Mhe Doto Mashaka Biteko akikagua mawe yaliyo katwa, Kusagwa na kuongezewa thamani katika kiwanda cha Marmo E. Granite Mines (T) Ltd wakati akiwa katika ziara ya kikazi Mkoani Mbeya, Jana 20 Februari 2018. 
Naibu Waziri wa Wizara ya Madini Mhe Doto Mashaka Biteko akiwasili katika kiwanda kinachoshughulika na kukata, Kusaga na kuuza mawe cha Marmo E. Granite Mines (T) Ltd wakati akiwa katika ziara ya kikazi Mkoani Mbeya, Jana 20 Februari 2018.
Naibu Waziri wa Wizara ya Madini Mhe Doto Mashaka Biteko (Katikati) akisikiliza maelezo kutoka kwa Ndg Salim Jesa Mkurugenzi Mtendaji wa kampuni ya Marmo E. Granite Mines (T) Ltd kuhusu usafirishaji wa mawe baada ya kuyaongezea thamani wakati akiwa katika ziara ya kikazi Mkoani Mbeya, Jana 20 Februari 2018.
Naibu Waziri wa Wizara ya Madini Mhe Doto Mashaka Biteko akikagua utendaji kazi wa kiwanda cha kukata, Kusaga na kuuza mawe cha Marmo E. Granite Mines (T) Ltd wakati akiwa katika ziara ya kikazi Mkoani Mbeya, Jana 20 Februari 2018.

MAGAZETI YA JUMATANO LEO FEBRUARY 21,2018





ZIARA YA WAZIRI MKUU KASSIM MAJALIWA ILEMELA NA NYAMAGANA. MKOANI MWANZA

 Baadhi ya watumishi wa  Halmashauri ya wilaya ya Ilemela na Nyamagana wakimsikiliza Waziri  Mkuu, Kassim Majaliwa  wakati alipozungumza nao kwenye ukumbi wa Benki Kuu jijini Mwanza 
Sehemu ya watumishi wa  Halmashauri ya wilaya ya Ilemela na Nyamagana wakimsikiliza Waziri  Mkuu, Kassim Majaliwa  wakati alipozungumza nao kwenye ukumbi wa Benki Kuu jijini Mwanza 
  Waziri Mkuu, Kassim Majaliwa akizungumza na watumishi wa Halmashauri ya wilaya ya Nyamagana na Ilemela kwenye ukumbi wa Benki Kuu jijini Mwanza
  Waziri Mkuu, Kassim Majaliwa akizungumza na watumishi wa Halmashauri ya wilaya ya Nyamagana na Ilemela kwenye ukumbi wa Benki Kuu jijini Mwanza
 Waziri Mkuu, Kassim Majaliwa akitembelea kiwanda cha mabati cha Dragon kilichopo Nyamagana jijini Mwanza Februari  20, 2018.
  Waziri Mkuu, Kassim Majaliwa akimkabidhi kadi ya matibabu ya bure kwa wazee, Robert Chenge Manyenye kwenye Zahanati ya Bulale wilayani Nyamagana Februari 19, 2018. Katikati ni Mkuu wa wilaya ya Nyamagana, Mary Tesha
 Waziri Mkuu, Kassim Majaliwa akisalimiana ni  viongozi wa dini baada ya kutoa vitambulisho vya matibabu ya bure kwa wazee katika zahanati ya Bulale wilayani Nyamgana Februari 20, 2019.
  Waziri Mkuu, Kassim Majaliwa  akipata maelezo kutoka kwa Mkurugenzi Mtendaji wa kiwanda cha Mwanza Plastics, Joel Makanyaga (kushoto)  kuhusu mabomba ya maji yanyotengenezwa na kiwanda hicho wakati alipokitembelea jijini Mwanza 
 Waziri Mkuu, Kassim Majaliwa  akipata maelezo kuhusu utengenezaji wa mabomba ya maji kutoka kwa Mkurugenzi Mtendaji wa kiwanda cha Mwanza Plastics, Joel Makanyaga (kushoto) wakati alipotembelea kiwanda hicho jijini Mwanza Februari 20, 2018.
 Waziri Mkuu, Kassim Majaliwa  akipokea mabomba ya maji yenye urefu wa kilomita tano kutoka kwa  Mkurugenzi Mtendaji wa kiwanda cha Mwanza Plastics, Joel Makanyaga wakati alipotembelea kiwanda hicho jijini Mwanza , Februari 20, 2018. Kulia ni Mbunge wa Ilemela na Naibu Waziri wa Ardhi, Nyumba na Maendeleo ya Makazi, Angelina mabulla. Mabomba hayo yatatumika kupeleka maji katika Kituo cha Afya cha Karume kilichopo kata ya Bugogwa wilayani Ilemela.