Askari wa Jeshi la Zimamoto na
Uokoaji wa Mkoa wa Manyara na baadhi ya wakazi wa Bashnet wakiwa kwenye eneo la
tukio la ajali ya gari lililokuwa limebeba mahindi na kuanguka kwenye mlima wa
Bashnet Wilayani Babati.
Askari wa Jeshi la Zimamoto na
Uokoaji wa Mkoa wa Manyara wakiwa katika eneo la tukio la ajali ya gari
lililokuwa limebeba mahindi na kuanguka kwenye mlima wa Bashnet Wilayani Babati,
ambapo ajali ilikuwa mbaya ila hakuna aliyepoteza maisha kwenye gari hili
lililokuwa na watu wawili yaani dereva na kondakta wake.
Jamani wamepona ehee? Baadhi ya
wakazi wa eneo la Bashnet wakitazama ajali ya gari ambapo dereva alikimbia
baada ya ajali hiyo.
Baraza la Madiwani wa Halmashauri
ya Wilaya ya Mbulu Mkoani Manyara
Mkuu
wa Kituo cha polisi Mirerani, Wilaya ya Simanjiro Mkoani Manyara, Ally Mohamed
Mkalipa (kushoto) akimpongeza aliyekuwa Ofisa utumishi wa wilaya hiyo, Patrice
Saduka aliyehamishiwa wilaya ya Kisarawe, Mkoani Pwani, kwenye tafrija ya kumuaga
iliandaliwa na watendaji wa kata za Simanjiro
Abiria 213 waliokuwa wakisafiri na
ndege ya Shirika la Ndege la Ethiopia jana walinusurika kifo baada ya ndege
hiyo kutua kwa dharura katika uwanja mdogo wa Arusha.
Ndege hiyo aina ya Boeing 767,
ilitua saa 6.45 mchana katika uwanja huo baada ya kushindwa kutua katika Uwanja
wa Ndege wa Kimataifa wa Kilimanjaro (Kia) kutokana na kupata pancha kwa ndege
nyingine inayomilikiwa Shirika la Ndege la Tanganyika (TFC), kwenye njia ya
uwanja huo.
Ndege ya Ethiopia ililazimika
kuelekea Arusha na kutua kwenye uwanja huo mdogo kuweza kupokea ndege kubwa
kutokana na kuishiwa mafuta.
Ndege hiyo iliyokuwa inatokea
Addis Ababa, Ethiopia ikiwa pia na wahudumu 23, baada ya kutua kwenye Uwanja wa
Arusha, ilinasa kwenye tope baada ya tairi lake la mbele kuvuka sehemu ambayo
lami inaishia kutokana na ufupi wa njia zinazotumiwa na ndege zinapotua kwenye
uwanja huo.
Jitihada za kuiondoa ndege hiyo
zilishindikana Desemba 18. Ndege hiyo ilikuwa ikielekea Johannesburg, Afrika
Kusini kwa kupitia Kia na Uwanja wa Ndege wa Kimataifa wa Julius Nyerere, Dar
es Salaam.
Kamanda wa Polisi Mkoa wa Arusha,
Liberatus Sabas alisema: “Rubani amejitahidi kutua katika uwanja huu japo ni
mdogo ili kuokoa maisha ya abiria kwani walikuwa hawana mafuta ya kutosha
kwenda uwanja mwingine.”
Tukio la ndege hiyo kutua kwa
dharura limekuja siku chache tangu ndege ya Shirika la Ndege la Precision
iliyokuwa na abiria 37 kupasuka matairi manne ilipokuwa ikitua kwenye Uwanja wa
KIA Jumamosi iliyopita.
